Quranda Təkamül dövrünə aid nümunələrin Olduğu yanlışı

İnsanın elə bir dövrü olub keçmişdir ki, o, xatırlanmağa layiq bir şey

olmamışdır! (İnsan surəsi, 1)

Yuxarıdakı ayə bu düşüncədə olan kəslərin təkamülə dəlil olaraq təqdim etdikləri

bir başqa ifadədir. Öz şəxsi izahlarına əsaslanaraq “xatırlanmağa layiq bir şey

olmamışdır” ifadəsini “insanın, insan olmazdan əvvəlki halı” kimi açıqlayırlar.

Halbuki ilk iddia kimi bu iddia da həqiqətlərdən uzaqdır.

Bu ifadəni “təkamül ilə yaradılışa” dəlil olaraq göstərmək çox məntiqsiz bir

izahdır. Necə ki, bu ayə İslam alimləri tərəfindən təkamül dövrü kimi açıqlanmır.

Məsələn, Elmalılı Məhəmməd Həmdi Yazır bu ayədəki dövr ifadəsini belə təfsir

edir:

“Başlanğıcda ilk maddələri olan ünsürlər və filizlər, sonra onlardan mərhələ-

mərhələ yaradılıb orta maddələri olan bitki mənşəli, heyvan mənşəli qidalar

“palçıq xülasəsi” (Möminun surəsi, 12), sonra onlardan süzülən yaxın maddəsi

olan məniyə doğru yavaş-yavaş və mərtəbələr içində gələn bir şey olmuş, lakin

insan deyə xatırlanan şey olmamışdır. Həqiqətdə insanın hər fərdi kimi cinsi də

əzəli deyil, sonradan olmadır. Həm zamanın başlanğıcından, aləmin yaradılışından

daha sonra var olmuşdur.”

Ömər Nəsuhi Bilmən isə ayəni belə təfsir edir:

“ Bu ayələr, Cənabı Haqqın insanları heç mövcud, məlum deyilkən bir qətrə

sudan eşidən, görən halda yaratdığını və onları imtahana tabe tutduğunu bildirir...

İnsan növü heç mövcud deyildi. Sonra müddət içində bir qətrə sudan, torpaqdan

və palçıqdan təsvir edilmiş bir cəsəd halına gəlmişdir. O insan, o zaman məlum

deyildi, onun nə olduğu və nə üçün yaradılmış olduğu göy və yerdəkilərə görə

bilinmirdi. Sonra özünə ruh verilmişdir.”

Dəyərli İslam alimlərimizin də bildirdiyi kimi, Quranda heç bir şəkildə təkamüllə

yaradılışa işarə yoxdur. Quranda bildirilən yaradılış Rəbbimizin “Ol” əmri ilə

gerçəkləşən yoxdan yaradılışdır.

http://yaradilismocuzesifosiller.blogspot.com/p/kuranda-evrimsel-surece-

isaret.html